करिशी का तू खंत ?

करिशी का तू खंत ?
वेड्या हृदयी तुझ्या भगवंत
कृपा तयाची होताअद् भुत
हो दुःखाचा अंत.
भक्ती त्याची सुफलित होता
निर्धन हो धनवंत

आंधळ्यास तो देतो दृष्टी
पांगळ्यास तो देतो शक्ती
एक पाहतो सारी सृष्टी
दुसरा फिरे दिगंत

बहिऱ्याला येती कान
वेड्याला होई द्न्यान
बहुश्रुत होउन फिरे एक
तर दुसरा बने महंत

मुक्यास देतो वाचा शक्ती
करू लागता ईश्वर भक्ती
अलभ्य लाभे जीवन मुक्ती
मिळतो ब्रह्मानंद.