माणूस-एक कोडं ?

माणूस?
एक न उलगडलेलं कोडं.
बोलतो तसं वागत नाही.
वागतो तसं बोलत नाही.
आत एक बाहेर दुसरंच.
दुटप्पी वागणं,
उठणं, बसणं,बोलणं.

उक्ती कृतीत मेळ नसतो
कृती कशीही झाली तरी
तिचंच समर्थन अहर्निश
हीच त्याची ओळख.

हजारों वर्षांपासून
माणसाच्या वर्तनाचे
निरीक्षण परीक्षण करताहेत
संशोधक मानसशास्रद्न्य
अजूनही माणूस कुणाला
उमगला नाही.
मन हाती आलं नाही
शोकांतिका.

बोल कुणाला लावायचा नाही
दोष कुणाला द्यायचा नाही.
असंच चालत आलंय
असंच चालत राहील
माणूस न सुटलेलं कोडं
हीच त्याची ओळख राहील.

याच गृहीतकावर
पुढची वाटचाल होत राहील.
वाट मुळी संपत नाही
शोध थांबत नाही
हाती काहीच येत नाही.

गंमत हीच गुंगवते मती
होते दुर्गती
तरी म्हणायचं होतेय प्रगती
आगेकूच!