जगीं भरला भगवंत.
जलातही तो,स्थलातही तो,नभातही तो.
तोच अंतरीक्षात.
सूर्य तो अन् तोच चंद्रमा,ग्रहतारे नक्षत्रेही
तोच .
पर्वतात तो,खाईतही तो,तोच नदी नाल्यात.
पशूत तो,पक्ष्यातही तो,तोच जीव जंतूत
फुलातही तो,मुलांतही तो,वृक्षातही तो,
वेलींतही तोच.
सिंहातही तो,व्याघ्रातही तो,तोच वनात जनात
तुझ्यातही तो, माझ्यातही तो,तोच नटे सर्वात.
तोच चालवी, तोच बोलवी,तोच वसे मौनात.
भोगातही तो,त्यागातही तो,धर्मातही तो.
अधर्मातही तोच.
राजाही तो,रंकही तो,साधूही तो, भोंदूही तो,
तोच गुरु शिष्यात.
तोच जगाचा निर्माता,भोक्ताही तोच.
पालन कर्ता ,संहारकही तोच.
गंमत जम्मत,जय पराजय,सुख दुःखाचा,
लाभ हानी वा प्रिय श्रेयाचा,द्वंद्वात्मक या
भासाचा,असे नियामक तोच.
सर्वभावे शरण जावे',यंत्र होऊन सदा भजावे.
यंत्री तो त्याची सत्ता इथे तिथे सर्वत्र.
पिंडातही तो,ब्रह्मांडातही तो.
उरे पुरुन सर्वात.
जीवन त्याचे देणे.
त्याला क्षणक्षण स्मृतित ठेवती साधू अन् संत.
ह्या सत्त्याची येता प्रचिती
अहंभाव तो विरून जातो
कर्तृत्वाची शेखी नुरते.
उरतो आत्मानंद केवळ ब्रह्मानंद.
जलातही तो,स्थलातही तो,नभातही तो.
तोच अंतरीक्षात.
सूर्य तो अन् तोच चंद्रमा,ग्रहतारे नक्षत्रेही
तोच .
पर्वतात तो,खाईतही तो,तोच नदी नाल्यात.
पशूत तो,पक्ष्यातही तो,तोच जीव जंतूत
फुलातही तो,मुलांतही तो,वृक्षातही तो,
वेलींतही तोच.
सिंहातही तो,व्याघ्रातही तो,तोच वनात जनात
तुझ्यातही तो, माझ्यातही तो,तोच नटे सर्वात.
तोच चालवी, तोच बोलवी,तोच वसे मौनात.
भोगातही तो,त्यागातही तो,धर्मातही तो.
अधर्मातही तोच.
राजाही तो,रंकही तो,साधूही तो, भोंदूही तो,
तोच गुरु शिष्यात.
तोच जगाचा निर्माता,भोक्ताही तोच.
पालन कर्ता ,संहारकही तोच.
गंमत जम्मत,जय पराजय,सुख दुःखाचा,
लाभ हानी वा प्रिय श्रेयाचा,द्वंद्वात्मक या
भासाचा,असे नियामक तोच.
सर्वभावे शरण जावे',यंत्र होऊन सदा भजावे.
यंत्री तो त्याची सत्ता इथे तिथे सर्वत्र.
पिंडातही तो,ब्रह्मांडातही तो.
उरे पुरुन सर्वात.
जीवन त्याचे देणे.
त्याला क्षणक्षण स्मृतित ठेवती साधू अन् संत.
ह्या सत्त्याची येता प्रचिती
अहंभाव तो विरून जातो
कर्तृत्वाची शेखी नुरते.
उरतो आत्मानंद केवळ ब्रह्मानंद.
No comments:
Post a Comment