जागा हो

जागा हो
जंगलचा राजा तू.
उगीच मेंढरू बनू नको.

स्वयमेव मृगेन्द्रता
हेच ब्रीद,हेच लक्ष्य
स्वभाव हाच.
स्वत्व विसरून
म्याँ म्याँ करू नकोस.

डरकाळी ऐकताच तुझी
सारे थरथरा कांपतील
शेपट्या घालून
दूरदूर पळून जातील

तू तर शक्तीशाली, साहसी
शिकार तुझी
तूच शोधून काढ
स्वतःची शिकार
होऊ देऊ नकोस
स्वतःच्या तेजाची,ओजाची
लाज ठेव.

लाचार,दीन,,हतबल
बनू नकोस.
उगीच कुणापुढे हात पसरून
भीक मुळीच मागू नकोस

मागून जगात कुणालाही
काहीही मिळत नसते
शक्ती स्वतःची पणाला लावून,
लढाई लढून
श्री,धी खेचून आणायची असते

पुरुषार्थअसतो संघर्षात
भित्र्यांना जग भिववतं
त्यांचं सारंच लुटून नेतं.