शिवारात वीज आली

शिवारात वीज आली
पंपआले.
हरित क्रांती झाली.
पाटाच्या पाण्याने
शिवारं न्हाऊन निघाली.

ऊस,केळी ,मोसंबी,
संत्री वा लिंबूंचे
मळे वाढले.

संपत्तीचा प्रचंड ओघ
खेड्यांकडे वाहू लागला.
स्वयंचलित वाहने, मोटारी,
ट्रक्स ,ट्र्याक्टर्सची चाके
भराभर फिरू लागली.

समतेची,बंधुत्वाची चक्रे
मात्र ठप्प.
अहंकार,ताठा,
दर्पोक्ती अभिमान,

खेड्या खेड्यातील
घराघरात
अमाप संप्पत्तीची
अचाट किमया
हेच चित्र हाच रंग
सर्वत्र खेड्या खेड्यात.