मत्त मयूरा, नाच नाच रे----

  मत्त मयूरा, नाच नाच रे
  नभात घनमाला
अंधकार जरी दिशात दाही
चित्त तुझे रोमांचित होई
उभव पिसारा लाजव त्या तू
इंद्र धनुष्याला----------
पुलकित कण कण पृथ्वीवरचा
हरितांकुरही हलती डुलती
आतुरले  हे वृक्ष सज्ज तव
नृत्य पाहाण्याला ----------
पक्षी सारे स्तब्ध कोटरी
वायू तृण पर्णावर बसला
अनिमिष नयने चाखण्यास तव
रूप माधुरीला ----------
बघ कंपन तव हृदयी होई
थरथरली तव पिसेंही चतुरा
उचल पाऊले टाक मोहुनी
विचार रे कसला---------
वायु धरिल बघ सुंदर ताला
कोकिल घेईल मधुरही ताना
वृक्षलताही डुलवतील मग
रसिका सम माना--------