आनंदाने जगायचं---

त्यांना मुळी वेळ नसतो
सगळाच खेळ असतो
डाव चुकला म्हणून
म्हाताऱ्यांनी रडायचं नसतं..

 सारंच एकदा झटकून टाकावं
 स्वतःच समजून घ्यावं
त्यांच्या नादात त्यांना राहू द्यावं
आपलं आपण दुरून पाहावं

 सोसायला हिंमत लागते.
सोसता सोसताच मुक्यानं
शेवटचा श्वास शांत व्हावा
अशी इच्छा ठेवायला हवी.

रडायचं एकट्यानंच
चार चौघात हसायचं
रीत ही जर पाळली
तर तणाव पळून जातो.

त्यांच्या साठी खूप केलं
कष्ट सोसून वाढवलं
म्हणायची सोय नाही
तोट्याचा व्यवहार

तोंड दाबून बुक़्क्याचा मार
नशीब खोटं आपलंच 
प्रारब्ध ,नियतीचा न्याय हा
म्हणत म्हणत
आनंदाने जगायचं