तू होतीस, त्या रात्री होत्या----

त्या रात्री
त्या रात्री कसल्या
ती धुंदी  केवळ
ती बेहोशी
तरल,विरल

त्या रात्रींना वाचा नव्हती
होते केवळ हास्यतुषार
त्या रात्रींनाशब्दही नव्हते
होत्या केवळ नजरा फेकी

त्या रात्री भयाण,भीषण !
कराल जिव्हा  ! !
तप्त लाव्हा.

त्या रात्रींना अंगे नव्हती
होत्या केवळ नग्न वासना
त्या रात्रींच्या भेसुर मुद्रा
त्या अभद्रा.
रोज नाचती,उगीच छळती

कळे न केव्हां उपरती होईल ?
त्या रात्रींची खूण न राहिल
कुठे न राहिल मागमूस
तू होतीस
त्या रात्री होत्या