अलीकडे-------

दिलाशब्द पाळायचा नसतो
पदोपदी फिरवायचा असतो
कला  ही  साधते  ज्याला
तोच   नेता  बनू शकतो

दिला शब्द  पाळायची
जुनी  रीत  जुनी  झाली
शब्दासाठी  प्राण द्यायची
संस्कृती  नष्ट  झाली.

खाणं पिणं मौज मजा
हीच अाजची संस्कृती
सभ्यता   शहाणपण
श्रीमंती    मोठेपण

शाकाहार  मिताहार
संयम  सदाचार
हेच मागासलेपण
हाच  अधःपात

स्वप्नात दिलेलं वचन
हरिश्चंद्रानं पूर्ण केलं
अलीकडे दिलेलं वचन
स्वप्नातही पूर्ण करत नाहीत.

पित्याच्या वचनासाठी दाशरथी राम
चौदा वर्षे आनंदाने वनात गेला
अलीकडे चौदा तासात चौदा वेळा
दिलेली वचने बेलाशक बदलली जातात