तू ईश्वर ,भगवन् मी मात्र नश्वर---

  तू हंसतोस तेव्हां
   लाखलाख चांदण्या हंसतात
    असं हंसणं दिलखुलास
     सर्वांना सुखवणारं
      सर्वांना फुलवणारं
     तुझं हंसणं कळतं ज्याला
      तोही हंसतो.
     असं हंसणं मिठास तुझं
      तुझं हंसणं सुगंधी
       क्षणोक्षणी हंसून
        हंसवतोस सर्वांना
        हीच तुझी नवलाई
      हेच तुझं ऐश्वर्य
       म्हणून तू ईश्वर.
       भगवन्
       मी मात्र नश्वर.
       मर्त्य मानव, अल्पजीवी.
       तू शरीरीं असून अशरीरी
        मी मात्र शरीरातील शिरशिरी.