साधकाचे आश्रयस्थान--

साधका,
जीवन यात्रा सुरु झाली जन्मापासून
मृत्यू विश्राम एक.
तिथून पुन्हा महायात्रा.
नवा जन्म ,नवा प्रवास,दीर्घ यात्रा.
नामरूपी शिदोरी सोबत घे
ठेवील ती सुखात.
काम क्रोधादि हिंस्र पशूंना
जवळ ती येऊ देणार नाही.
नामात दंग हो,धुंद हो.
होऊदे मनाची,बुद्धीची
भगवतीशी एकरूपता
घेता घेता नाम
जाईल मनातून काम
काम जाताच
शुद्ध होईल मन
तेच खरं नमन.खरं समर्पण.
अहंचं विस्मरण.
बिन बोभाट,बिन तक्रार, बेलाशक
यात्रा तुझी होईल सफल.
हेच साधकाचं ईप्सित
आश्रयस्थान.