करिशी का तू खंत?

करिशी का तू खंत?
वेड्या, हृदयी तुझ्या भगवंत
कृपा तयाची अद्भुत होता
हो  दुःखांचा  अंत
भक्ती त्याची सुफलित होता
    निर्धन  हो  धनवंत ,वेड्या ,
आंधळ्यास तो देतो दृष्टी
पांगळ्यास तो देतो शक्ती
एक पाहातो सारी सृष्टी
     दुसरा फिरे दिगंत,वेड्या,
बहिऱ्यास येती कान
वेड्याला  होई  द्न्यान
बहुश्रुत होऊन फिरे एक
     तर दुसरा बने महंत,वेड्या,
मुक्यास देतो वाचा शक्ती
करू लागता ईश्वर भक्ती
अलभ्य लाभे जीवनमुक्ती
      मिळतो  ब्रह्मानंद,वेड्या,
       हृदयी  तुझ्या भगवंत.