प्रत्येकाच्या प्रपंचात

प्रपंचात सुख नसते
सुखासाठी धडपड नुसती
तडफड जिवाची
प्रयत्नांची शर्थ
प्रपंच खोटा असतो.

संपत्ती असते.
संतती नसते.
संतती असूनही
सुख नसते.

प्रत्येकाच्या प्रपंचात
काही ना काही उणीव असते.
ही सारी किमया
त्याची असते.

प्रपंच त्याचा.
निमित्त तू
असा ठेव भाव
असू दे दृढ विश्वास.

मग बघ
प्रपंचाचा नूर बदलतो
.प्रपंचातलं दुःख जाणवत नाही.
प्रपंच सुखाचा होतो.
सारंसारं सुसह्य होतं.
सुकर होतं.

उणीव कुठंच राहात नाही
.हवी फक्त त्याची कृपा.
मग नसते कुठलीच भीती.