निमुटपणे काडी होऊन पडून राहाण्यात-----

कोपऱ्यातली काडी पाहातेय इकडे
निपचित पडून डोळे मिटून अर्धवट
म्हणते ती----
असंच असंच एक दिवस तुलाही
लागेल पडावं कुठल्याशा कोपऱ्यात.
निष्प्राण,निश्चेतन,अगतिक,स्तब्ध
सारं सारं सामर्थ्य,ऐश्वर्य सोडून
एकाकी लागेल पडावं कदाचित्
लागेल सडावं.
समजून घे ,उमजून घे---
इथं जगात आपलं काहीही नसतं.
सारं सारं ईश्वरी सत्तेनं,त्याच्याच
तंत्रानं घडत असतं.
निमूटपणे काडी होऊन मिळेल त्या
कोपऱ्यात पडून राहाण्यात
शांन्ती असते.सुख असते.
समाधान असते.