साधक होऊन क्षण क्षण जगावं----

अंतिम सत्य ? अमूर्त,अनंत.
तत्व केवळ.निर्गुण,निराकार.
चैतन्य,प्राण,आत्मा!
प्रद्न्याचक्षूच पाहू शकतात त्याला.
तोच ईश्वर,तोचअहं,जड चेतनात तीच शक्ती-ब्रह्म वा भगवती,
 अनादि अनंत.
 तिला जाणताच सारं सारं समजू
 लागतं.विवेक जागा होतो.अंधार
 नाहिसा होतो.
 पडतो प्रकाश लखकन्.
 श्रेय तेच ,ईप्सित तेच.
 जीवनाचंअंतिम धेय्य तेच.
  जन्म केवळ त्यासाठीच.
  पुन्हा जाणं येणं टाळण्याचा
  गुह्य मार्ग,राज मार्ग तोच.तो.
   साधक होऊन क्षण क्षण जगावं
   जगण्यातला आनंद घ्यावा,
    आनंद द्यावा निरिच्छ होऊन .
     अनासक्त वृत्तीनं भोगावेत
     भोग सगळे यदृच्छया यथेच्छ.